USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ülvi Həsənlinin səhhəti pisləşib – Ailəsi narahatdır
11 gündür aclıq aksiyası keçirən “Abzas Media”nın həbsdə olan direktoru Ülvi Həsənlinin səhhəti ciddi şəkildə zəifləyib. Bu barədə məlumatı jurnalistin ailəsi verib.
Ailə bildirir ki, Ülvi Həsənlinin saxlanıldığı Umbakı həbsxanasında havalandırma şəraiti çox pisdir, bu da onun nəfəs almaqda çətinlik çəkməsinə səbəb olur. Lazımi tibbi avadanlıqların olmaması səbəbilə jurnalist həkim nəzarətindən düzgün şəkildə keçə bilmir. Onun çəkisi 65 kiloqrama düşüb, təzyiqi isə 90/130-dur. Ailə saturasiya və ürək döyüntülərinin ölçülə bilmədiyini, rəhbərliyin məsuliyyəti üzərindən atdığını deyir.
Ülvi Həsənli iyulun 20-dən etibarən müddətsiz aclıq aksiyasına başlayıb. O, aclığına səbəb olaraq əvvəlcədən vəd edildiyi halda Bakı İstintaq Təcridxanasına köçürülməməsini göstərib.
Ailə Ülvinin təcili müalicə müəssisəsinə köçürülməsini tələb edir. Həbsxana rəhbərliyi isə bunun üçün vəkilin rəsmi müraciət etməli olduğunu bildirib.
“Abzas Media”nın jurnalistlərinə 7-9 il azadlıqdan məhrumetmə cəzası verilib.
