USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Məhəmməd Mirzəliyə 6 il 6 ay qiyabi həbs cəzası verildi
Binəqədi Rayon Məhkəməsində Fransada yaşayan azərbaycanlı siyasi mühacir Məhəmməd Mirzəlinin cinayət işi üzrə məhkəmə prosesi yekunlaşıb. Hakim Vüsal Tağıyevin sədrliyi ilə keçirilən iclasda təqsirləndirilən şəxs barəsində hökm elan olunub.
Məhkəmənin qərarına əsasən, Məhəmməd Mirzəli 6 il 6 ay müddətinə azadlıqdan məhrum edilib.
İttihamlar
Mirzəliyə qarşı Cinayət Məcəlləsinin:
• 220.2-ci maddəsi – zorakılıq, talan, yanğın, əmlakın məhv edilməsi, odlu silah və partlayıcı maddələrdən istifadə etməklə kütləvi iğtişaşları təşkil etmə və ya iştirak etmə;
• 281.1-ci maddəsi – hakimiyyətin zorla ələ keçirilməsinə və ya konstitusiya quruluşunun dəyişdirilməsinə yönələn açıq çağırışlar etmə və bu məzmunlu materialları yayma ittihamı irəli sürülüb.
İşin detalları
İstintaq materiallarına görə, Mirzəli 2016-cı ilin fevralında “Şıxlı” sərhəd məntəqəsindən keçərək Azərbaycanı tərk edib və daha sonra Fransada mühacirət həyatı yaşayıb. Prokurorluq iddia edir ki, o, 2018-ci ildə “YouTube” kanalında dəfələrlə dövlət əleyhinə çağırışlarla çıxış edib.
Baş Prokurorluq bu ilin mart ayında onun barəsində qiyabi icraat üzrə istintaq başladığını açıqlamışdı. Rəsmi bildirişlər göndərilsə də, Mirzəli istintaqın çağırışlarına gəlmədiyi üçün proses onun iştirakı olmadan aparılıb.
