SOCAR-ın İnvestisiya Departamentinin sabiq müavini, hazırda həbsdə olan iş adamı Adnan Əhmədzadəyə məxsus olduğu iddia edilən Dubaydakı lüks avtomobillərin fotoları sosial şəbəkələrdə yayılıb.
Görüntülərdə bir neçə bahalı marka avtomobil – “Lamborghini”, “Rolls-Royce” və “Mercedes G-Class” yer alır.
İddialara görə, avtomobillərin dövlət nömrə nişanları (5455) Əhmədzadənin şəxsi telefon nömrəsinə uyğun seçilib və onları gizlətmək üçün müğənni İlham Qədimovun adına rəsmiləşdirib.
Qeyd olunur ki, Adnan Əhmədzadənin Bakıda istifadə etdiyi maşınları da bahalı olub. Onun “Mercedes Maybach” markalı avtomobilinin dövlət nömrə nişanı 77-AA-555 idi. Bildirilir ki, sabiq SOCAR rəsmisi məhz həmin avtomobildə saxlanılıb.