USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Avropa Parlamenti miqrantların deportasiyasını sürətləndirən qanun qəbul edib
Avropa Parlamenti qanunsuz miqrantların Avropa İttifaqı ərazisindən deportasiyasını sürətləndirməyi nəzərdə tutan qanun qəbul edib.
Sənədə əsasən, Avropa İttifaqı hüdudlarından kənarda deportasiya mərkəzlərinin yaradılması planlaşdırılır. Qanunu 389 deputat dəstəkləyib, 206 nəfər əleyhinə səs verib, 32 deputat isə bitərəf qalıb.
Yeni qaydalara görə, sığınacaq verilməsindən imtina edilən və ya vizasının müddəti bitmiş şəxslər üçün məcburi geri qaytarma siyasəti tətbiq olunacaq. Qanun Aİ-yə üzv ölkələrə qeyri-qanuni miqrantları üçüncü ölkələrə göndərmək imkanı yaradır. Bu isə həmin ölkələrlə ikitərəfli razılaşmaların mövcud olması və deportasiya mərkəzlərinin yaradılması şərti ilə həyata keçiriləcək.
Sənəddə miqrantların saxlanma müddətinin iki ilə qədər artırılması və deportasiya edilən şəxslərə Aİ ərazisinə yenidən giriş qadağasının tətbiqi də nəzərdə tutulur.
