USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Deputatın həyat yoldaşının rəhbərlik etdiyi banka sanksiya tətbiq edilib
Avropa İttifaqının Rusiyaya qarşı qəbul etdiyi 20-ci sanksiyalar paketi çərçivəsində Azərbaycanda fəaliyyət göstərən maliyyə qurumu da siyahıya daxil edilib.
Sanksiyaya məruz qalan Yelo Bank qərarın Rusiya maliyyə mesajlaşma sistemi ilə əlaqəli olduğunu təsdiqləyib.
Rəsmi məlumata görə, yeni sanksiyalar paketi Rusiyanın Ukraynaya qarşı müharibə aparmaq imkanlarını zəiflətmək məqsədi daşıyır və maliyyə, enerji, ticarət, nəqliyyat və texnologiya sahələrini əhatə edir.
Yelo Bank aprelin 24-də yaydığı açıqlamada fəaliyyətinin Azərbaycan qanunvericiliyinə və beynəlxalq sanksiya rejimlərinə uyğun qurulduğunu bildirib. Bank qeyd edib ki, qərar “banklararası maliyyə mesajlaşma sistemindən istifadəyə dair texniki xarakter” daşıyır.
Qeyd edək ki, bankın İdarə Heyətinin sədri Anar Həsənov-dur. O, bu vəzifəyə 2021-ci il yanvarın 5-də təyin olunub. Anar Həsənov deputat Sevinc Fətəliyeva-nın həyat yoldaşıdır.
