USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İtaliya Azərbaycanda minatəmizləməyə 1,5 milyon avro ayırıb
Elçin Əmirbəyov bildirib ki, Roma Azərbaycanda həyata keçirilən minatəmizləmə əməliyyatlarına maliyyə dəstəyi göstərib.
Prezidentin xüsusi tapşırıqlar üzrə nümayəndəsi Formiche.net nəşrinə müsahibəsində qeyd edib ki, İtaliya bu istiqamətdə əməkdaşlığa xüsusi önəm verir və humanitar baxımdan əhəmiyyətli addımlar atır.
Onun sözlərinə görə, Roma tərəfindən minatəmizləmə işlərinə 1,5 milyon avro həcmində yardım ayrılıb. Bundan əlavə, 14 aprel 2026-cı il tarixində İtaliya Senatında Azərbaycanda mina problemi və onun humanitar nəticələrinə həsr olunmuş xüsusi konfransın keçirilməsi planlaşdırılır.
Elçin Əmirbəyov vurğulayıb ki, minatəmizləmə prosesi Azərbaycan üçün insanların həyatının qorunması və məcburi köçkünlərin doğma torpaqlarına təhlükəsiz qayıdışının təmin edilməsi baxımından böyük əhəmiyyət daşıyır.
Rəsmi məlumatlara görə, Azərbaycanda mina ilə çirklənmiş ərazilərin sahəsi 11 667 kvadrat kilometr təşkil edir ki, bu da ölkə ərazisinin 13,4 faizinə bərabərdir. 2020-ci ildən bəri mina partlayışları nəticəsində 422 nəfər zərər çəkib, onlardan 73-ü həlak olub, 349 nəfər isə yaralanıb.
