USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bakı–Tbilisi qatarlarında plaskart vaqonlar olmayacaq
Azərbaycan Dəmir Yolları Bakı–Tbilisi–Bakı marşrutu üzrə sərnişin qatarlarının fəaliyyəti ilə bağlı yeni detalları açıqlayıb.
Qurumdan bildirilib ki, mayın 26-dan etibarən bərpa olunacaq bu marşrut üzrə qatarlarda açıq tipli (plaskart) vaqonlar nəzərdə tutulmayıb. Sərnişinlərə yalnız daha yüksək komfort səviyyəsinə malik vaqonlar təqdim ediləcək.
Belə ki, qatarlarda “komfort”, “komfort+” və “lüks” sinifləri üzrə xidmət göstəriləcək.
Gedişhaqqına gəlincə, qiymətlər məsafədən asılı olaraq dəyişir. Komfort sinfi üzrə minimal qiymətlər belədir:
* Bakı–Tbilisi: 81 manat
* Yevlax–Tbilisi: 67 manat
* Gəncə–Tbilisi: 62 manat
* Ağstafa–Tbilisi: 57 manat
* Böyük Kəsik–Qardabani: 51 manat
Qeyd olunub ki, digər siniflər üzrə tariflər yaxın günlərdə açıqlanacaq.
Yeni qaydalar sərnişinlərə daha rahat və müasir xidmət təqdim etmək məqsədi daşıyır.
