USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
SEPAH: ABŞ-a məxsus pilotsuz aparat İran üzərində vurulub
İran İslam İnqilabı Keşikçiləri Korpusu (SEPAH) ABŞ-a məxsus MQ-1 tipli pilotsuz uçuş aparatının vurulduğunu açıqlayıb.
İranın “Tasnim” agentliyinin yaydığı məlumata görə, SEPAH pilotsuz aparatın İranın hava məkanını və ərazi sularını pozaraq kəşfiyyat xarakterli fəaliyyət həyata keçirməyə cəhd göstərdiyini bildirib.
Qeyd olunub ki, hədəf hava hücumundan müdafiə sistemləri tərəfindən vaxtında aşkarlanıb və raket zərbəsi ilə məhv edilib.
SEPAH-ın bəyanatında vurğulanıb ki, İranın hava məkanı və ərazi suları tam nəzarət altındadır və ölkənin suverenliyinə qarşı istənilən pozuntuya qətiyyətli şəkildə cavab veriləcək.
Hadisə ilə bağlı ABŞ tərəfi hələlik rəsmi açıqlama verməyib. İranın yaydığı məlumatın müstəqil mənbələr tərəfindən təsdiqlənmədiyi qeyd olunur.
