USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Pezeşkian: İran və Azərbaycan xalqlarını qırılmaz bağlar birləşdirir
İran Prezidenti Məsud Pezeşkian Azərbaycanın Müstəqillik Günü münasibətilə Prezident İlham Əliyevə təbrik məktubu göndərib.
Məktubda Pezeşkian vurğulayıb ki, İran və Azərbaycan xalqları tarix, sivilizasiya, mədəniyyət, din və dil baxımından ortaq dəyərlərə malikdirlər.
“İranın və Azərbaycanın xalqları çoxsaylı tarix, sivilizasiya, mədəniyyət, din və dil ortaqlıqlarına malikdirlər. Bu ortaq bağlar ölkələrimizin xalqları arasındakı dostluğu möhkəmləndirmiş və sarsılmaz etmişdir. Şübhəsiz ki, bizim qırılmaz bağlarımız iki ölkə arasında münasibətlərin inkişafı üçün möhkəm zəmin olmuşdur”, – deyə məktubda qeyd olunub.
İran Prezidenti bildirib ki, Azərbaycan müstəqilliyini bərpa etdikdən sonra İran hər zaman iki ölkə arasındakı əlaqələrin inkişafını dəstəkləyib. O, hazırda münasibətlərdə müşahidə olunan müsbət dinamikanın xalqların iradəsinə uyğun şəkildə davam etdiyini vurğulayıb.
Pezeşkian ikitərəfli münasibətlərlə yanaşı, regional və beynəlxalq əməkdaşlığın da daha sürətlə inkişaf edəcəyinə ümid etdiyini ifadə edib.
Təbrik məktubunun sonunda İran Prezidenti İlham Əliyevə möhkəm cansağlığı və uğurlar, Azərbaycan xalqına isə rifah və əmin-amanlıq arzulayıb.
