USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İran ABŞ bazalarına raket və dron hücumları həyata keçirdiyini açıqlayıb
İranın Bəhreyn, Küveyt və İordaniyada yerləşən ABŞ hərbi obyektlərinə raket və pilotsuz uçuş aparatları ilə hücumlar həyata keçirdiyi bildirilir.
Məlumata görə, hücumlar zamanı ABŞ qüvvələrinin yerləşdiyi bazalar istiqamətində bir neçə ballistik raket və dron buraxılıb. İran İslam İnqilabı Keşikçiləri Korpusu (SEPAH) Bəhreyndə ABŞ Hərbi Dəniz Qüvvələrinin 5-ci Donanmasının bazasının, həmçinin Küveytdəki Əli əl-Salim və İordaniyadakı Müvəffəq Salti hava bazalarının hədəf alındığını bəyan edib.
Küveyt Ordusu hava hücumundan müdafiə sistemlərinin ölkə üzərinə yönələn hava hədəflərini zərərsizləşdirdiyini açıqlayıb.
Hadisə ilə bağlı ABŞ tərəfindən rəsmi açıqlama verilməyib. Məlumatların müstəqil mənbələr tərəfindən tam təsdiqlənmədiyi qeyd olunur.
Regionda gərginliyin artdığı bir vaxtda baş verən hücumlar Yaxın Şərqdə təhlükəsizlik vəziyyəti ilə bağlı narahatlıqları daha da gücləndirib.
