USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Prezident Bakı Şəhər İcra Hakimiyyətinin tabeliyindəki bəzi qurumlarla bağlı fərman imzaladı
Prezident İlham Əliyev Bakı Şəhər İcra Hakimiyyətinin tabeliyində fəaliyyət göstərən bir sıra qurumların yenidən təşkili və idarəetmə strukturunda dəyişikliklərlə bağlı fərman imzalayıb.
Fərmana əsasən, Bakı Şəhər İcra Hakimiyyəti başçısının tabeliyində olan “Diplomatik korpusa və xarici nümayəndəliklərə xidmət göstərən müdiriyyət “İnterservis” qurumu BŞİH-in fəaliyyət istiqamətləri nəzərə alınmaqla yenidən təşkil ediləcək.
Sənədə uyğun olaraq, Bakı Şəhər İcra Hakimiyyəti başçısının tabeliyində fəaliyyət göstərən “Bakımənzilkommunlayihə” Layihə İnstitutunun ləğv olunması ilə bağlı zəruri tədbirlər görüləcək.
Eyni zamanda, Bakı Şəhər İcra Hakimiyyətinin tabeliyindəki “Yaşıl Teatr” Bakı Konsert Kompleksi və Bakı Şəhər Bələdiyyə Teatrı bütün əmlakı ilə birlikdə Azərbaycan Respublikasının Mədəniyyət Nazirliyinin tabeliyinə veriləcək.
Fərmanda aidiyyəti qurumlara bu dəyişikliklərin həyata keçirilməsi üçün müvafiq tapşırıqlar verilib.
