USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Zelenski: “Ukrayna yanırsa, Moskva da yanacaq”
Ukrayna Prezidenti Volodimir Zelenski Rusiyanın zərbələrinə cavab olaraq Moskvanın hədəfə alınmasını müdafiə edib.
“Ukrayna yanırsa, sizin Moskvanız da yanacaq”, – deyə Zelenski bildirib.
Ukrayna lideri qeyd edib ki, Müdafiə Qüvvələrinin Moskva neft emalı zavoduna endirdiyi zərbə Rusiyanın Kiyev-Peçoryan monastırının ərazisinə hücumuna cavab xarakteri daşıyıb.
Zelenski müharibənin dayandırılmasının vacibliyini vurğulayıb və bildirib ki, Rusiya Prezidenti Vladimir Putin döyüşləri davam etdirmək niyyətindədirsə, Ukrayna cavabsız qalmayacaq.
“Putin bu müharibəyə son qoymaq istəmirsə, davam etmək istəyirsə, biz boş oturmayacağıq. Cavabımız güclü və ədalətli olmalıdır”, – Ukrayna Prezidenti deyib.
Onun sözlərinə görə, Ukrayna müharibəni başlamayıb və ölkəsi sülh istəyir.
“Biz bu müharibəni istəmirik və heç vaxt istəməmişik. Bunu hamı bilir, tərəfdaşlarımız da bilir. Biz istəmirik ki, Ukrayna düşmən üzündən yansın. Amma Ukrayna yanırsa, Moskva da yanacaq”, – Zelenski əlavə edib.
Ukrayna Prezidenti bir daha Rusiyanı müharibəyə son qoymağa çağırıb və bildirib ki, təcavüzün dayandırılması üçün siyasi qərar verilməlidir.
