USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Christophe Lacroix: “Azərbaycanda artıq totalitar dövlət modelindən söhbət gedir”
Avropa Şurası Parlament Assambleyasının (AŞPA) iyun sessiyası çərçivəsində Belçikadan olan deputat Christophe Lacroix Caspian Watch-a müsahibə verib.
O, Azərbaycanda jurnalistlərə, hüquq müdafiəçilərinə və vətəndaş cəmiyyətinə qarşı təzyiqlərin sistemli xarakter aldığını bildirib. Lacroix qeyd edib ki, ölkədə hakimiyyət strukturları fərqli fikirlərin ifadəsini məhdudlaşdıran vahid nəzarət mexanizminə çevrilib.
“Bu, artıq yalnız avtoritar deyil, totalitar dövlət modelidir”, – deyə o vurğulayıb.
Deputat hazırda Azərbaycanda onlarla jurnalistin həbsdə olduğunu, müstəqil medianın fəaliyyət imkanlarının ciddi şəkildə məhdudlaşdırıldığını bildirib. O, həmçinin Avropa ölkələrini insan hüquqları pozuntularına görə məsul şəxslərə qarşı sanksiyalar tətbiq etməyə çağırıb.
Lacroix Avropa Şurasını Azərbaycanda vəziyyəti daha yaxından izləməyə və siyasi məhbusların azad olunması üçün konkret addımlar atmağa səsləyib.
