USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Gürcüstan parlamentində gərginlik yumruq davasına çevrildi
Gürcüstan parlamentinin iclası zamanı deputatlar arasında qarşıdurma yaşanıb.
İnsident “Qaxariya – Gürcüstan naminə” partiyasının deputatı Giorgi Şaraşidzenin çıxışından sonra baş verib. Deputat çıxışında hakim “Gürcü Arzusu” partiyasını tənqid edərək, partiyanın öz üzvlərinin belə hazırkı baş nazir İrakli Kobaxidzeni dəstəkləmədiyini iddia edib.
Bu açıqlamadan sonra parlament zalında deputatlar arasında mübahisə qızışıb və qarşıdurma fiziki insidentə çevrilib.
Baş nazir İrakli Kobaxidze hadisəyə münasibət bildirərək parlamentdə baş verənləri təəssüf doğuran hal kimi qiymətləndirib.
“Parlament zalında gördüklərimiz həqiqətən kədərlidir. Deyəcək sözləri olmayanda kobudluğa və fiziki zorakılığa əl atırlar. Bu, onların əsl simasını göstərir. Təhsil, zəka, dürüstlük və vətənpərvərlik olmadıqda nəyisə dəyişmək çətin olur. Bu, ləyaqətini itirmiş insanların birliyidir”, – deyə baş nazir vurğulayıb.
