Gündəmdən düşməyən Xaçmazın sabiq icra başçısı Şəmsəddin Xanbabayev tərəfindən seçdirilən deputat Eldəniz Səlimovla bağlı Parlament növbədənkənar toplanır. Xaçmazı talayan quldur və rüşvətxor sabiq icra başçısı və hazırda YAP-ın rayon təşkilatının sədrinın təyin etdirdiyi "ərköyün deputat", puluna arxayın olub indi də bütün sərhədləri aşaraq vətəndaşlara, o cümlədən asayiş keşikçisi olan Polisi döyməklə "qoçuluq" edərək cinayət törədib. Əslində rüşvət yolu ilə deputat olan və güya 40 min seçici adından seçilən "qoçu"deputat qanun qarşısında cavab verməli, mandatı əlindən alınmalı və cəzalandırılmalıdır. Korrupsiyaner icra başçısının seçdirdiyi deputat da, bundan artıq olmayacaq. Bu kimi deputatların parlamentdə oturmaq haqqı yoxdur.

Xaçmazda fəaliyyət göstərən ticarət obyektlərinin sahiblərindən, iş adamlarından müxtəlif yollarla rüşvət tələb edən sabiq icra başçısı rayonun su və kanalizasiya işlərinin bərpasından sonra şəhərin Mirzə Ələkbər Sabir, Asif Cəbrayılov və başqa küçələrin tam asfaltlanmamasının səbəbi, ətrafda olan ticarət obyektinin sahibi ilə arasında olan şəxsi qərəzi və guya işlərin ən yüksək səviyyədə görülüb dövlət büdcəsinin talamasının bariz nümunəsidir.

Ümid edirik ki, yeni təyin olunan icra başçısı qeyd olunan küçələrin tam asfaltlanmasını həyata keçirəcək. Bu ünvanlarda yaşayan sakinlərin problemi öz həllini tapacaq.

Xaçmazda baş vermiş bütün bu kimi hadisələr müvafiq dövlət qurumları və güc strukturları tərəfindən araşdırılmalıdır. Haqq və ədalət bərpa olunduqca həbs olunan icra başçılarının siyahısı artacaq.