“Bank BTB” ASC bu ilin yanvar-sentyabr aylarını 641 min manat zərərlə başa vurub.

Bu barədə bankın maliyyə hesabatlarında qeyd olunub. Məlumata görə, bu göstərici ötən ilin eyni dövrü ilə müqayisədə 30 faiz çoxdur.

Hesabata əsasən, 9 ay ərzində “Bank BTB”nin:
• Əməliyyat gəlirləri – 30,12 milyon manat (illik 9,3% artım),
• Əməliyyat xərcləri – 25,724 milyon manat (8,4% artım),
• Xüsusi ehtiyatlara ayırmaları – 2,205 milyon manat (4,9 dəfə artım),
• Gözlənilməz xərcləri – 2,831 milyon manat (27% azalma) təşkil edib.

Bu il oktyabrın 1-nə bankın aktivləri 389,268 milyon manat olub ki, bu da bir il əvvələ nisbətən 5,7% çoxdur. Bunun 276,304 milyon manatı müştərilərə verilmiş xalis kreditlərdir. Kredit portfeli isə son bir ildə cəmi 0,4% artıb.

Hesabat dövründə:
• Bankın öhdəlikləri – 338,413 milyon manat (7% artım),
• Depozit portfeli – 167,873 milyon manat (11,9% artım),
• Balans kapitalı – 50,855 milyon manat (2,2% azalma) təşkil edib.

Xatırladaq ki, “Bank BTB” 2010-cu ildə yaradılıb, nizamnamə kapitalı 71,45 milyon manatdır. Bankın səhmlərinin:
• 76,74%-i Nigar Mehdiyevaya,
• 17,68%-i Rza Sadiqə (Müşahidə Şurasının sədri),
• 5,58%-i isə Tükəzban Mahmudovaya məxsusdur.

Qeyd edək ki, Nigar Mehdiyeva, cinayət məsuliyyətinə cəlb edilən Prezident Administrasiyasının sabiq rəhbəri Ramiz Mehdiyevin gəlinidir.