USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Şahin Şıxlinski “işgəncə altında saxlanılır”
Rusiyanın Yekaterinburq şəhərində Azərbaycan diasporunun rəhbəri Şahin Şıxlinski istintaq təcridxanasında ağır şəraitdə saxlanılır. Onunla görüşən Rusiya Regional İctimai Nəzarət Komissiyasının sədri Vladimir Popov “URA” nəşrinə açıqlamasında bildirib ki, Şıxlinski təkadamlıq kameraya yerləşdirilib və saxlandığı yeri “toyuq hini” ilə müqayisə edib.
Popovun sözlərinə görə, kamera təmirli olsa da, iri cüssəli məhbus üçün dar hesab olunur. Diaspora rəhbəri həmçinin ciddi sağlamlıq problemləri ilə üzləşdiyini deyib:
“O, yaşlı və xəstə bir insandır, hesab edir ki, heç bir qanunsuz iş görməyib, sadəcə vəziyyətin qurbanı olub. Elə bir xəstəliyi var ki, hər an təcili tibbi yardım lazım ola bilər. Daha məqsədəuyğun olardı ki, Şıxlinskinin kamerası təkadamlıq olmasın və yanında başqa məhbus da olsun. Belə halda, fövqəladə vəziyyət yaranarsa, o, dərhal həyəcan siqnalı verə bilər”.
Popovun sözlərinə görə, o, vəziyyət barədə Sverdlovsk vilayətinin ombudsmanı Tatyana Merzlyakovaya da məlumat verib.
Şahin Şıxlinski Azərbaycan–Rusiya münasibətlərinin kəskinləşməsi fonunda ötən ay həbs edilib. Onun barəsində Rusiya Cinayət Məcəlləsinin iki maddəsi üzrə iş açılıb: 318-ci maddə (hakimiyyət nümayəndəsinə qarşı zor tətbiqi) və 105-ci maddə (qəsdən adam öldürmə).
