USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Şahin Şıxlinskiyə Azərbaycandan sığınacaq verilmədi – Rusiya polisi tərəfindən saxlanıldı
Azərbaycanın Ural bölgəsindəki diaspor rəhbəri kimi tanınan Şahin Şıxlinski sığınacaq üçün Azərbaycan səfirliyinə etdiyi müraciətdən sonra Rusiya polisi tərəfindən saxlanılıb. Məlumata görə, Şıxlinski Azərbaycan Prezidenti İlham Əliyevə müraciət edərək, səfirlik vasitəsilə ölkəsinə sığınmaq istəyib. Lakin bu müraciətə müsbət cavab verilməyib.
Sığınacaq tələbinin rədd edilməsinin ardından Şahin Şıxlinski Azərbaycan səfirliyindən çıxmağa məcbur olub və qısa müddət sonra Rusiya hüquq-mühafizə orqanları tərəfindən saxlanılıb. Hadisə Rusiyada yaşayan azərbaycanlı icması arasında ciddi rezonansa səbəb olub.
Rus mediasının yaydığı məlumata görə, bu gün Yekaterinburq şəhərində Şıxlinskiyə məxsus olan bazar sökülüb. Qeyd edək ki, bir müddət əvvəl onun oğlu da hüquq-mühafizə orqanları tərəfindən həbs edilmişdi.
İddialara görə, diaspor rəhbərinin son aylarda Rusiya və Azərbaycan hakimiyyət dairələri ilə münasibətləri gərginləşmişdi. Şahin Şıxlinskinin həbsi və əmlakının hədəf alınması bu gərginliyin nəticəsi kimi qiymətləndirilir.
Hadisə ilə bağlı rəsmi açıqlama hələlik verilməyib.
