USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Frank Şvabe: “Hakimiyyət öz üzünə Avropa qapılarını bağlayır”
Azərbaycan Xalq Cəbhəsi Partiyasının (AXCP) sədri Əli Kərimlinin həbsi ölkənin Avropa dəyərlərindən daha da uzaqlaşdığını göstərir. Bu fikri AzadlıqRadiosuna açıqlamasında Avropa Şurası Parlament Assambleyasının (AŞPA) Almaniyadan olan üzvü Frank Şvabe bildirib.
AŞPA rəsmisi hesab edir ki, bu addım Azərbaycanın Avropa Şurasında bərabər üzvlüyünün bərpası istiqamətində səylərinə ciddi zərbə vurur:
“Əli Kərimlinin həbsi Azərbaycan rejiminin Avropa dəyərlərindən daha da uzaqlaşdığını göstərir. Bununla eyni zamanda Avropa Şurasında bərabər üzvlüyünün bərpası səylərinə özü zərbə vurur. Əliyev öz üzünə Avropa Şurasının qapısını bağlayır”.
Şvabe həmçinin qeyd edib ki, müxalifət liderlərinə qarşı repressiyalar davam etdiyi təqdirdə Azərbaycanın Avropa institutları ilə münasibətlərinin normallaşması daha da çətinləşəcək.
Rəsmi Bakı isə hələlik sözügedən açıqlamaya münasibət bildirməyib.
