USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
ABŞ vitse-prezidenti Ceyms D. Vens Ermənistana səfərə gəlib
ABŞ-ın vitse-prezidenti Ceyms D. Vens rəsmi səfərlə Ermənistana gəlib. İrəvanda onu Ermənistanın Baş naziri Nikol Paşinyan qəbul edib.
Paşinyan görüşlə bağlı “Facebook” səhifəsində paylaşım edərək, ABŞ vitse-prezidentini salamladığını bildirib: “ABŞ vitse-prezidenti Ceyms D. Vensi İrəvanda salamlayıram”, – deyə o yazıb və görüşdən fotolar paylaşıb.
Qeyd edək ki, Ceyms D. Vensi Zvartnots hava limanında Ermənistan Milli Assambleyasının sədri Alen Simonyan, İrəvan meri Tiqran Avinyan, xarici işlər nazirinin müavini Vahan Kostanyan və Ermənistanın ABŞ-dakı səfiri Narek Mkrtçyan qarşılayıblar.
Vens fevralın 9-da həyat yoldaşı Uşa Vens ilə birlikdə Ermənistana rəsmi səfərə gəlib. Amerika nümayəndə heyətinə ABŞ dövlət katibinin iqtisadi məsələlər üzrə müavini Ceykob Helberq də daxildir.
Məlumata görə, görüşdən sonra ABŞ vitse-prezidenti və Ermənistanın baş naziri birgə bəyanatlarla çıxış edəcəklər.
