USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
AzXP Rəyasət Heyətinin üzvləri və Frank Schwabe arasında görüş keçirilib
AzXP Rəyasət Heyətinin üzvləri və Frank Schwabe arasında görüş keçirilib
Fevralın 25-də AzXP Rəyasət Heyətinin üzvləri Abid Qafarov və Əli Quliyev Berlində Almaniya Bundestaqının deputatı Frank Şvabe ilə görüşüblər.
Görüşdə Almaniya Bundestaqında Azərbaycanla bağlı məsələlər üzrə fəal mövqeyi ilə seçilən deputatla ölkədəki ictimai-siyasi vəziyyət ətrafında geniş fikir mübadiləsi aparılıb. Tərəflər Azərbaycandakı demokratik durum, insan hüquqları və pozuntular, siyasi məhbuslar məsələsini müzakirə ediblər.
Həmçinin AzXP nümayəndələri partiyanın Avropa Şurası Parlament Assambleyasının (AŞPA) qış sessiyasında iştirakı və Assambleyanın prezidenti Petra Bayr ilə keçirilmiş görüş barədə məlumat veriblər.
Eyni zamanda, Ermənistan və Azərbaycan arasında sülh müqaviləsinin imzalanmasının vacibliyi vurğulanıb, Azərbaycanın Avropa Şurası qarşısında götürdüyü öhdəliklər gündəmə gətirilib.
Frank Şvabe almaniyalı deputatların AzXP ilə əməkdaşlıqda maraqlı olduqlarını qeyd edib. Görüşün səmimi və işgüzar şəraitdə keçdiyi bildirilir.
