USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Türkiyə İsraillə münasibətlərin normallaşması üçün şərtlərini açıqlayıb
Türkiyə İsraillə münasibətlərin normallaşdırılmasına prinsip etibarilə qarşı olmadığını bəyan edib. Lakin Ankara bunun üçün müəyyən siyasi və humanitar şərtlərin yerinə yetirilməsinin vacib olduğunu bildirir.
Bu barədə Türkiyənin xarici işlər naziri Hakan Fidan açıqlama verib.
Nazir qeyd edib ki, münasibətlərin bərpası yolunda əsas maneə Fələstin məsələsi və Qəzza zolağında davam edən münaqişədir. Onun sözlərinə görə, Türkiyə bölgədə humanitar böhranın aradan qaldırılmasını və iki dövlətli həll istiqamətində real addımların atılmasını gözləyir.
Hakan Fidan vurğulayıb ki, Ankaranın problemi İsrailin mövcudluğu ilə bağlı deyil. O bildirib ki, fikir ayrılıqları əsasən İsrail rəhbərliyinin fələstinlilərə münasibəti və Qəzzada həyata keçirilən siyasətlə əlaqədardır.
Türkiyəli diplomat əlavə edib ki, mövcud vəziyyət dəyişərsə və tərəflər arasında etimadın bərpası üçün şərait yaranarsa, Ankara ilə Təl-Əviv arasında münasibətlərin yenidən normallaşması mümkündür.
