İran ABŞ prezidenti Donald Trampın atəşkəs təklifini qəbul etməyib və öz şərtlərini irəli sürüb.

Rəsmi Tehranın ABŞ tərəfinə bildirdiyinə görə, müharibənin bitmə tarixi və şərtləri yalnız İran tərəfindən müəyyən edilə bilər. İran rəhbərliyi ABŞ prezidentinin müharibənin nə vaxt başa çatacağını diktə etməsinə imkan verməyəcəyini vurğulayıb.

Bəyanatda qeyd olunub ki, İran yalnız öz tələbləri yerinə yetirildiyi halda müharibəni dayandıracaq. Tehran tələblər yerinə yetirilənədək müdafiəni davam etdirmək və düşmənə ağır zərbələr endirmək niyyətində olduğunu bildirib.

Məlumata görə, Vaşinqton müxtəlif diplomatik kanallar vasitəsilə danışıqlar aparmağa çalışsa da, Tehran ABŞ-ın irəli sürdüyü təklifləri həddindən artıq və döyüş meydanındakı vəziyyətlə uyğun gəlməyən təşəbbüslər kimi qiymətləndirib.