USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Alman qəzetindən Əli Kərimliyə: “Azərbaycanda müxalifətçilik ölüm riski deməkdir?”
Almaniyanın nüfuzlu nəşrlərindən olan Frankfurter Rundschau qəzetində Azərbaycan Xalq Cəbhəsi Partiyasının (AXCP) sədri Əli Kərimli ilə geniş müsahibə dərc olunub. Müsahibənin əsas mövzusu geosiyasi proseslər olsa da, jurnalistlərin verdiyi iki sual Azərbaycanın siyasi mühitinin real mənzərəsini ortaya qoyur.
Sözügedən suallardan biri belədir: “Azərbaycanda müxalifətçilik edərək ölümünüzü göz önünə alırsınızmı?” Bu sual təkcə müsahibənin deyil, həm də ölkədəki siyasi ab-havanın dünya ictimaiyyətinə necə təqdim olunduğunun göstəricisidir.
Müsahibədə Əli Kərimli Azərbaycanın regional və beynəlxalq siyasətdəki mövqeyindən danışsa da, ölkədə müxalif siyasətçi olmaqla bağlı risklərin vurğulanması reportajın ən yaddaqalan məqamıdır. Bu, həm də Almaniya jurnalistlərinin Azərbaycan hakimiyyətinin daxili siyasətinə dair yaxşı məlumatlı olduqlarını, repressiv rejimin mahiyyətini anladıqlarını göstərir.
Bu cür suallar, dolayısı ilə olsa da, bir reallığı üzə çıxarır: Azərbaycanın siyasi sistemi dünya tərəfindən avtoritar, müxalifətə qarşı dözümsüz və təhlükəli rejim kimi tanınır. Ölkənin xaricdəki imicinin formalaşmasında təkcə rəsmi bəyanatlar deyil, həm də belə müsahibələr və beynəlxalq medianın müşahidələri mühüm rol oynayır.
Əli Kərimlinin cavabları bu suallara necə olub — bu, ayrı bir müzakirə mövzusudur. Amma müsahibənin özü, verilən sualların tərzi və vurğular göstərir ki, Azərbaycan hakimiyyətinin ölkə daxilində apardığı siyasət artıq təkcə daxili məsələ deyil, beynəlxalq ictimaiyyətin də ciddi narahatlıq mövzusudur.
