USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
"Məhkumların Müdafiəsi" İctimai Birliyi Fikrət Cəfərliyə Dəstəyini Bəyan Etdi
"Məhkumların Müdafiəsi" İctimai Birliyi İşgəncələr Əleyhinə Araşdırmalar Mərkəzinin sədri Fikrət Cəfərlinin həbsi ilə bağlı bəyanat yayıb. Birlik onun həbsini qətiyyətlə pislədiyini bildirərək, dərhal azadlığa buraxılmasını tələb edib.
Bəyanatda vurğulanır ki, Fikrət Cəfərlinin həbsi onun hüquq müdafiə fəaliyyətinə görə baş verib: "Biz hesab edirik ki, bu, birbaşa onun fəaliyyəti ilə bağlıdır. Fikrət Cəfərli indiyədək heç kimin nə babasını, nə də nənəsini təhqir etməmiş, sadəcə hüquqları pozulan insanların səsini ictimaiyyətə çatdırmışdır."
Birlik bəyan edir ki, bu hadisə arxasında konkret sifariş olsa da, bu sifarişin Azərbaycan Vəkillər Kollegiyasının sədri Anar Bağırovun "səlahiyyət və gücü daxilində" verildiyinə inanmırlar: "Bizim məqsədimiz Anar Bağırov barəsində müsbət imic yaratmaq deyil. Sadəcə təcrübə və müşahidələrimiz bizə deyir ki, bu məsələdə onun rolu yoxdur. Hətta deyə bilərik ki, bu oyunun oyunçusu da deyil."
Birlik, həmçinin Fikrət Cəfərlinin cəzasının "şokoladni srok" kimi təqdim edilməsinə də münasibət bildirib: "Məhkumlar arasında belə 4 aylıq cəzaları zarafatla 'şokoladni srok' adlandırırlar. Amma məsələ müddətdə deyil – prinsipdədir. İnsanlar fəaliyyətlərinə görə sifarişlə həbs edilməməlidirlər."
Sonda İctimai Birlik ictimaiyyətə çağırış edərək Fikrət Cəfərlinin azad olunması üçün birgə səylərə dəvət edib: "Bu cür insanları zindanlara atdırmaq olmaz. Allah tezliklə dostumuzun qapısını açsın."
