USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ülvi Həsənlidən qisas alınır: Aclıq aksiyası keçirən jurnalist 40 dərəcə istidə cərimə kamerasına salınıb
Araşdırmaçı jurnalist və “Abzas Media”nın direktoru Ülvi Həsənliyə qarşı qeyri-insani rəftar davam edir. 17 gündür aclıq aksiyası keçirən Həsənli Bakıdan uzaqda yerləşən və ailəsi ilə görüş imkanlarını məhdudlaşdıran Umbakı Penitensiar Kompleksində saxlanılır.
Məlumata görə, Həsənli təcridxanada aclıq aksiyasına başladıqdan sonra Penitensiar Xidmətin Müalicə Müəssisəsinə deyil, əksinə, cəza məqsədilə “karsa” – cərimə kamerasına salınıb. 40 dərəcə istidə havalandırma sistemi olmayan, tibbi yardım və müayinənin göstərilmədiyi şəraitdə saxlanılan jurnalistin sağlamlıq durumu ciddi təhlükə altındadır.
Ülvi Həsənli iyunun 20-də Bakı Ağır Cinayətlər Məhkəməsinin qərarı ilə 9 il azadlıqdan məhrum edilmişdi. Hüquq müdafiəçiləri və həmkarları onun barəsində çıxarılan hökmü siyasi sifariş kimi qiymətləndirirlər. Onlar bildirirlər ki, Həsənli rejim tərəfindən “Abzas Media”nın ifşa etdiyi korrupsiya faktlarına və onun həbsdə olduğu halda belə Penitensiar Xidmətdə baş verən hüquq pozuntularını ictimailəşdirməsinə görə cəzalandırılır.
“Bu, təkcə bir jurnalistin həbsi deyil, bu, cəmiyyətə qorxu mesajıdır”
Hakimiyyət nümayəndələri Həsənlinin qorxmamasının, məhkəmədə verdiyi cəsarətli çıxışların da qisasını alır.
Hazırda hüquq müdafiəçiləri və ictimaiyyət nümayəndələri Həsənlinin dərhal müalicə müəssisəsinə köçürülməsi və aclıq aksiyası nəticəsində yaranmış sağlamlıq risklərinə qarşı tədbir görülməsini tələb edirlər.
