USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Əli Kərimli Riqa Konfransına dəvət olunub
Azərbaycan Xalq Cəbhəsi Partiyasının (AXCP) sədri Əli Kərimli Latviya Xarici İşlər və Müdafiə nazirliklərinin, həmçinin Latviya Transatlantik Təşkilatının birgə təşkil etdiyi 2025-ci il Riqa Konfransına dəvət olunub.
Rəsmi dəvət məktubunda qeyd edilir ki, 9–11 oktyabr tarixlərində Latviyanın paytaxtı Riqada keçiriləcək tədbirin mövzusu “Gələcəyi formalaşdırmaq: Parçalanmış dünyada Transatlantik Birlik, Təhlükəsizlik və Davamlılıq” olacaq.
Konfrans regionun transatlantik təhlükəsizlik və davamlılıq məsələləri, eləcə də qlobal siyasətin çağırışları ilə bağlı ən aparıcı forumlardan biri hesab olunur. Burada ictimai və qapalı müzakirələr, məxfi sessiyalar, həmçinin dünya üzrə siyasətçilər, ekspertlər və fikir liderləri ilə dialoq və əlaqə imkanları nəzərdə tutulur.
Dəvət məktubu Latviyanın xarici işlər naziri Baiba Braže, müdafiə naziri Andris Sprūds və Latviya Transatlantik Təşkilatının idarə heyətinin sədri Yanis Karlsbergs tərəfindən imzalanıb.
