USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
CHP qərargahında gərginlik: Özgür Özel binadan çıxarıldı
Özgür Özel Türkiyədə ana müxalifət partiyası olan Cümhuriyyət Xalq Partiyası (CHP) qərargahında baş verən hadisələr fonunda polis müşayiəti ilə binadan çıxarılıb.
Məlumata görə, polis əməkdaşları Ankara məhkəməsinin CHP qurultayı ilə bağlı qərarını təqdim etmək üçün partiyanın qərargahının 12-ci mərtəbəsinə qalxıblar. Həmin vaxt Özgür Özel də orada olub. Bildirilir ki, ona təqdim edilən rəsmi bildirişi cırıb.
Hadisə zamanı CHP-nin keçmiş sədri Kamal Kılıçdaroğlunun vəkili Cəlal Çelik də qərargaha gəlib.
Bir müddət sonra Özel polis müşayiəti ilə binanı tərk edib və çıxış edərkən “Biz gedirik, amma tezliklə geri qayıdacağıq” deyə bildirib.
Qərargahın qarşısında gərginlik davam edərkən, Mənsur Yavaş CHP qurultayının 45 gün ərzində keçirilməli olduğunu açıqlayıb.
Digər tərəfdən, həbsdə olan Əkrəm İmamoğlu sosial media üzərindən açıqlama yayaraq hadisələri sərt tənqid edib. O, məhkəmə və hökuməti “çevriliş cəhdi”ndə ittiham edib və partiya üzvlərini “mübarizəyə qalxmağa” çağırıb.
Hadisənin siyasi gərginliyi daha da artıracağı gözlənilir.
