USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İran ABŞ ilə aparılan danışıqları dayandırıb.
İran ABŞ-la danışıqları dayandırdığını açıqlayıb
Məlumata görə, bu barədə Tasnim News Agency məlumat yayıb. Bildirilir ki, qərar İsrailin Livandakı hərbi əməliyyatları və bölgədə atəşkəs rejiminin pozulması fonunda qəbul edilib.
Mənbənin iddiasına əsasən, Tehran İsrailin hərəkətlərinə etiraz əlaməti olaraq Vaşinqtonla birbaşa danışıqları dayandırıb və tərəflər arasında əlaqələr yalnız vasitəçilər üzərindən davam etdirilir.
Məlumatda qeyd olunur ki, İran rəsmiləri Qəzza və Livanda hərbi əməliyyatların dayandırılmasını, eləcə də İsrail qüvvələrinin Livandakı işğal olunmuş ərazilərdən çıxarılmasını vacib şərt kimi irəli sürürlər.
İddialara görə, Tehran bu tələblər yerinə yetirilməyənədək ABŞ ilə danışıqların bərpasını nəzərdən keçirməyəcək.
Qeyd edək ki, İran və ABŞ arasında aparılan danışıqlar əsasən nüvə proqramı, regional təhlükəsizlik və sanksiyalarla bağlı məsələləri əhatə edirdi. Hələlik rəsmi Vaşinqton tərəfindən məsələ ilə bağlı açıqlama verilməyib.
