USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Tramp: İranla ya razılaşma olacaq, ya da hərbi həll yolu
ABŞ Prezidenti Donald Trump İranla bağlı növbəti sərt açıqlamalar verib.
“Fox News” telekanalına müsahibəsində danışan Tramp bildirib ki, Vaşinqtonun Tehranla bağlı mövqeyi dəyişməyib və prosesin nəticəsi iki ssenaridən biri ilə yekunlaşa bilər.
“Ya çox uğurlu bir razılaşma əldə edəcəyik, ya da geri qayıdıb bunu hərbi yolla həll edəcəyik”, – deyə ABŞ prezidenti vurğulayıb.
Tramp İranın nüvə proqramı ilə bağlı mövqeyində müəyyən dəyişiklik müşahidə etdiyini də qeyd edib. Onun sözlərinə görə, əvvəllər İran rəsmiləri yalnız nüvə silahı hazırlamadıqlarını bəyan edirdilər.
“Əvvəl deyirdilər ki, nüvə silahı hazırlamırıq. Mən isə soruşurdum: Bəs nüvə silahı əldə etsəniz nə olacaq?” – deyə Tramp bildirib.
ABŞ liderinin sözlərinə görə, hazırda Tehran daha fərqli mövqe nümayiş etdirir:
“İndi deyirlər ki, hərbi məqsədli silah hazırlamırıq və ya əldə etməyəcəyik. Bu, böyük fərqdir”.
Trampın açıqlamaları ABŞ və İran arasında nüvə proqramı və regional təhlükəsizlik məsələləri ətrafında davam edən diplomatik müzakirələrin fonunda səsləndirilib. ABŞ administrasiyası İranın nüvə fəaliyyətlərinin məhdudlaşdırılmasını əsas şərtlərdən biri kimi irəli sürür.
