USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ukraynaya qaçan iki gömrük əməkdaşı Azərbaycana gətirilib
Hövsan Dəniz Gömrük Postunda aşkar edilmiş qanunsuz siqaret yükləri ilə bağlı cinayət işi çərçivəsində ölkəni tərk edən iki gömrük əməkdaşının Azərbaycana gətirildiyi bildirilir.
Məlumata görə, Ənvər Tağıyev və Tahir Tahiri barələrində aparılan araşdırmalar fonunda əvvəlcə İrana, daha sonra isə Ukraynaya gediblər. Onların Ukraynada saxlanıldığı və Azərbaycana gətirildiyi qeyd olunur.
Hər iki şəxs Dövlət Gömrük Komitəsinin Dəniz Nəqliyyatı və Enerji Resursları Baş Gömrük İdarəsində çalışıb. Bildirilir ki, onlar 2026-cı il mayın 26-da komitə sədri Şahin Bağırovin əmri ilə vəzifələrindən azad ediliblər.
İş üzrə digər həbslər
Cinayət işi çərçivəsində daha əvvəl Hövsan Məntəqəsinin rəisi Fərid Usubov, Bakı-Hövsan Beynəlxalq Ticarət Dəniz Limanının rəisi Rəşad Daşdəmirov, eləcə də əməkdaşlar Heydər Eyvazov və Tamerlan Axundzadə həbs olunublar.
Onlara qaçaqmalçılıq, aksiz markaları ilə bağlı qanun pozuntuları və vəzifə səlahiyyətlərindən sui-istifadə ilə əlaqədar ittihamlar irəli sürüldüyü bildirilir.
Hadisə üzrə istintaq Baş Prokurorluq yanında Korrupsiyaya Qarşı Mübarizə Baş İdarəsi tərəfindən davam etdirilir.
