İsrailin “Rising Lion” (Yüksələn Şir) adlı genişmiqyaslı hərbi əməliyyatı nəticəsində İranın bir sıra yüksək rütbəli hərbi rəhbərləri və nüvə proqramına cavabdeh şəxslər zərərsizləşdirilib.

Hərbi mənbələr və beynəlxalq KİV-lərin yaydığı video görüntülər, xəritələr və qrafiklər İranın hərbi və nüvə infrastrukturuna dəyən böyük ziyanı nümayiş etdirir. Hücumlar əsasən Tehran, Natanz, Təbriz və Kirmanşah bölgələrindəki obyektləri hədəf alıb.

Əməliyyat zamanı SEPAH komandanları Hüseyn Səlami, İsmayıl Qaani, Qulaməli Rəşid, eləcə də İran Silahlı Qüvvələrinin Baş Qərargah rəisi Məhəmməd Bageri həlak olub. Altıdan çox nüvə alimi də zərbələr nəticəsində öldürülüb.

Ekspertlər bildirir ki, bu əməliyyat İranın müdafiə və nüvə imkanlarına ciddi zərbə vurub və regionda gərginliyi daha da artırıb. İsrail əməliyyatın əsas məqsədinin İranın sürətlə nüvə silahı hazırlamasının qarşısını almaq olduğunu açıqlayıb.

Hazırda regionda vəziyyət gərgindir, hər iki tərəf yeni qarşıdurma ehtimalı ilə üz-üzədir.