Azərbaycan, Gürcüstan və Ermənistan 2026-cı il dövlət büdcəsi layihələrini açıqlayıb. Rəqəmlər göstərir ki, Azərbaycanın büdcəsi qonşu ölkələrlə müqayisədə daha aşağı artımla planlaşdırılıb.
• Azərbaycanın büdcəsi: gəlirlər 2,3% artaraq 39,2 milyard manata (təxminən 23 milyard dollar), xərclər 24,8 milyard dollar səviyyəsində proqnozlaşdırılır. Büdcə gəlirlərinin 59%-i vergilərdən, qalan hissəsi Dövlət Neft Fondunun köçürmələri və digər daxilolmalardan formalaşır.
• Gürcüstanın büdcəsi: gəlirlər 10,5% artaraq 30,3 milyard lariyə (təxminən 11,2 milyard dollar), xərclər 11,4 milyard dollar olacaq.
• Ermənistanın büdcəsi: gəlirlər 9,5% artaraq 3 trilyon drama (təxminən 8 milyard dollar), xərclər isə 9,4 milyard dollar təşkil edəcək.

Adambaşına büdcə xərcləri:
• Azərbaycan – 2,4 min dollar
• Gürcüstan – 3 min dollar
• Ermənistan – 3,1 min dollar

Sektorlar üzrə xərclər:
• Təhsil: Azərbaycan 2,9 milyard, Ermənistan 950 milyon, Gürcüstan 965 milyon dollar; adambaşına xərclər müvafiq olaraq 285, 315 və 255 dollar.
• Səhiyyə: Azərbaycan 1,8 milyard, Gürcüstan 800 milyon, Ermənistan 600 milyon dollar.
• Müdafiə: Azərbaycan 3,3 milyard, Ermənistan 1,5 milyard dollar.
• Hüquq-mühafizə: Azərbaycan 2 milyard, Gürcüstan 800 milyon, Ermənistan 650 milyon dollar.
• Sosial müdafiə: Azərbaycan 6 milyard, Gürcüstan və Ermənistan hər biri 2,6 milyard dollar; adambaşına xərclər müvafiq olaraq 610, 680 və 860 dollar.

Analitiklər qeyd edirlər ki, neft-qaz gəlirlərinin hələ yüksək olduğu bir dövrdə belə Azərbaycanın adambaşına büdcə xərclərinin qonşu ölkələrdən aşağı qalması postneft dövründə sosial vəziyyətin pisləşə biləcəyi ilə bağlı narahatlıqları artırır.