USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Qurban bayramı ilə bağlı nəzarət gücləndirildi
Azərbaycan Qida Təhlükəsizliyi Agentliyi Qurban bayramı günlərində qurbanlıq heyvanların satışı və kəsimi üzərində nəzarətin gücləndirildiyini açıqlayıb.
Qurumun şöbə müdiri, baş dövlət baytarlıq müfəttişi Qalib Əbdüləliyev bildirib ki, proses əvvəlki illərdə olduğu kimi bu il də aidiyyəti dövlət qurumları ilə koordinasiyalı şəkildə, əvvəlcədən müəyyən edilmiş ünvanlarda təşkil olunacaq.
Məlumata görə, satış və kəsim məntəqələrində vətəndaşlara yalnız baytarlıq nəzarətindən keçmiş heyvanlar təqdim ediləcək. Kəsim isə xüsusi baytarlıq-sanitariya tələblərinə cavab verən məntəqələrdə həyata keçiriləcək.
Vətəndaşların tələbatı nəzərə alınaraq bəzi regionlarda yerli icra hakimiyyətləri ilə razılaşdırılmış səyyar kəsim çadırları da qurulacaq.
AQTA vətəndaşları qurban kəsimini həm dini qaydalara, həm də qanunvericiliyin tələblərinə uyğun həyata keçirməyə çağırır. Küçə və ictimai yerlərdə heyvan kəsimi və satışı, eləcə də baytarlıq sənədləri olmadan heyvan daşınması yolverilməz hesab olunur.
