Dəfələrlə sürücülərin 102 xidmətinə haqlı şikayətləri olsa da, Zabrat dairəsini hər tərəfdən işğal edən nasaz evakuatorlar barəsində heç bir tədbir görülmür.

Aydındır ki, bu nasaz avtomobillərin sahibləri yüksək vəzifə sahibləridir. Elə olmasaydı DYP əməkdaşları bu avtomobillərin dairənin girişində dayanmasına icazə verməzdilər.

Yalnız ciblərini güdən bu evakuatorların sahibləri olan xırda məmurlar vətəndaşları təhqir etməklə yanaşı, ölkə başçısının Abşeron və Bakı ətrafı kəndlərin abadlaşdırılması üçün milyon mamatlar hesabına çəkdiyi asfalt yolları da məhv edir.

Dəfələrlə bu yerdə yol qəza hadisəsi baş verib. Bunun da əsas səbəbi dairədə duran və sürücülərin görmə məhdudiyyətinin azalmasına səbəb olan nasaz evakuatorlardır. Xüsusən günün pik saatlarında Zabrat dairəsində tıxaca səbəb olan və üç tərəfdən əhatəyə alan evakuatorlardan sürücülər çox əziyyət çəkir.

Ümid edirik ki, aidiyyatı qrumlar bu ərasidə təhlükəsiz hərəkətin təşkil olunması istiqanətində əməli işlər aparılacaq və dövlətə maddi zərər vüran məmurlar barəsində hüquqi tədbirlər görüləcək.