Xankəndi-Laçın yolunda ermənilərin "ekoloji terroruna" qoy qoyulması ilə bağlı QHT nümayəndələri, akoaktivistlər və fəalların keçirdiyi aksiya İranın sharhonline.ir, Ukraynanın platform4.news, Türkiyənin yesiligdir.com saytlarında, Pakistanın nüfuzlu "İnternational News" qəzetində dərc olunub.

Yazıların müəllifi Azərbaycan Demokratik İslahatların İnkişafı Mərkəzinin sədri, "Xalq Cəbhəsi" qəzetinin əməkdaşı Cavid Şahverdiyev qeyd edib ki, aksiyanın əsas məqsədi Qarabağ iqtisadi rayonunda ekoloji terrora son qoyulması tələbidir.

Qeyd olunub ki, Ermənistan işğal zamanı bir çox qeyri-qanuni fəaliyyətlərlə məşğul olub. Azərbaycanın ictimai və mülki obyektləri, o cümlədən mədəni abidələri dağıntılara məruz qalıb.

Aksiya iştirakçıları kontingentin rəhbəri general-mayor Volkovun onlarla görüşünü tələb etsələr də, qarşı tərəfdən heç bir reaksiya olmayıb.

Erməni tərəfi yolun bağlanmasını Azərbaycan tərəfinin üzərinə yıxmağa cəhdlər göstərsə də bu alınmayıb. İştirakçılar Laçın yolu vasitəsilə dinc erməni əhalisinə məxsus mülki maşınların, təcili yardım maşınlarının keçidinə şərait yaratmağa hazır olduqlarını çağırışlarında bəyan ediblər. Ekofəallar bir neçə gündür bu məqsədlə yardım təklif etdiklərini vurğulayıblar. İlkin addımların atıldığı onu deməyə əsas verib ki, yol Azərbaycan tərəfindən deyil, sülhməramlılar tərəfindən bağlanılıb.

Müəllif yazıda dekabrın 12-də XİN-də Azərbaycan Prezidentinin köməkçisi Hikmət Hacıyevin iştirakı ilə ölkədə akkreditə olunmuş diplomatik korpusun nümayəndələri və hərbi attaşelər üçün keçirilən brifinqə də yer ayırıb.

O, H.Hacıyevdən sitatlar da gətirib: “Azərbaycanın sözügedən ərazilərində təbii sərvətlərin qeyri-qanuni istismarı dayandırılmalı, bütün təbii sərvətlərin istismarı Azərbaycan Respublikası qanunvericiliyi əsasında həyata keçirilməlidir”.

Yazıda daha sonra H.Hacıyevə istinadən bildirilib ki, son iki gün ərzində Azərbaycan vətəndaş cəmiyyətinin nümayəndələrinin və ekologiya fəallarının Şuşa-Laçın yolunda həyata keçirdiyi etiraz aksiyası Azərbaycan ictimaiyyətinin haqlı narazılığının göstəricisidir və vətəndaş cəmiyyətinin bu mövqeyinə hörmətlə yanaşılmalıdır.

H.Hacıyev Azərbaycan vətəndaş cəmiyyəti nümayəndələrinin talan edilmiş təbii sərvətlərin qanunsuz daşınmasının qarşısını almağa çalışdıqlarını, mülki təyinatlı digər nəqliyyat vasitələrinin hərəkəti məsələlərinə qarışmadıqlarını deyib.

Sonda müəllif cari ilin 3 dekabr tarixindən etibarən Azərbaycan Respublikası İqtisadiyyat Nazirliyi, Ekologiya və Təbii Sərvətlər Nazirliyi, İqtisadiyyat Nazirliyi yanında Əmlak Məsələləri Dövlət Xidməti və “AzerGold” Qapalı Səhmdar Cəmiyyətinin mütəxəssislərindən ibarət heyət Rusiya sülhməramlı kontingentinin müvəqqəti yerləşdiyi Azərbaycan Respublikası ərazilərində faydalı qazıntı yataqlarının qanunsuz istismarı, bundan irəli gələn ekoloji və digər törəmə fəsadlar ilə bağlı sülhməramlı kontingentin komandanlığı ilə danışıqlar aparıldığını, əldə olunmuş razılığa uyğun olaraq, 10 dekabr tarixində faydalı qazıntıların qanunsuz istismar olunduğu bu iki əraziyə Azərbaycan nümayəndələrinin səfər etmək cəhdinə baxmayaraq, bu səfərə maneçilik törədildiyini qeyd edib.

Yazıların tam mətnləri aşağıdakı linklərdə:

https://platform4.news/.../massovaya-akcziya-protiv.../
https://sharhonline.ir/46751/%d8%aa%d8%b1%d9%88%d8%b1%db%8c%d8%b3%d9%85-%d8%b2%db%8c%d8%b3%d8%aa-%d9%85%d8%ad%db%8c%d8%b7%db%8c-%d8%a7%d8%b1%d8%a7%d9%85%d9%86%d9%87-%d8%a8%d8%a7%db%8c%d8%af-%d9%85%d8%aa%d9%88%d9%82%d9%81/?fbclid=IwAR2_1-UUB7YTuVgDE8YTTzYeNbJS8yuvgx4PgwuLbFH7I62KLZrbQs9QJAM
https://yesiligdir.com/haber/detay/32271