USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Mirziyoyev İlham Əliyevin Vaşinqton diplomatiyasını “parlaq qələbə” adlandırdı
Özbəkistan Prezidenti Şavkat Mirziyoyev ötən il Vaşinqtonda Azərbaycan, Ermənistan və ABŞ liderləri arasında keçirilən görüşün nəticələrini Azərbaycan Prezidenti İlham Əliyevin şəxsi diplomatiyasının “parlaq qələbəsi” kimi qiymətləndirib.
Mirziyoyev bu barədə avqustun 23-də Daşkənddə keçirilən Azərbaycan–Özbəkistan Ali Dövlətlərarası Şurasının III iclasında çıxışı zamanı bildirib.
Özbəkistan Prezidenti 2025-ci ilin avqustunda Vaşinqtonda keçirilən görüşü və Birgə Bəyannamənin imzalanmasını xüsusi qeyd edib.
“Ötən ilin avqustunda Vaşinqtonda Azərbaycan, Ermənistan və ABŞ liderlərinin tarixi görüşünü və Birgə Bəyannamənin imzalanmasını şəxsi diplomatiyanızın parlaq qələbəsi kimi qiymətləndiririk. Sizi bir daha təbrik edir və yeni böyük uğurlar arzulayıram”, – Mirziyoyev İlham Əliyevə müraciətində bildirib.
Şavkat Mirziyoyev Azərbaycan Prezidentinin həyata keçirdiyi siyasi kursa da toxunub. Onun sözlərinə görə, bu siyasət Azərbaycanın beynəlxalq nüfuzunun möhkəmlənməsinə və Cənubi Qafqazda sülh gündəliyinin irəliləməsinə xidmət edir.
Xatırladaq ki, 2025-ci ilin avqustunda Vaşinqtonda ABŞ Prezidenti Donald Trampın iştirakı ilə Azərbaycan Prezidenti İlham Əliyev və Ermənistanın Baş naziri Nikol Paşinyan arasında görüş keçirilmiş və tərəflər Birgə Bəyannamə imzalamışdılar. Görüş Azərbaycan–Ermənistan münasibətlərinin normallaşdırılması və sülh prosesinin irəlilədilməsi baxımından mühüm siyasi mərhələ kimi təqdim olunub.
