USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İlham Əliyev: “Mərkəzi Asiya və Azərbaycan vahid geosiyasi və iqtisadi regiondur”
Azərbaycan Prezidenti İlham Əliyev Mərkəzi Asiya ilə Azərbaycanın artıq vahid geosiyasi və iqtisadi region formalaşdırdığını bildirib.
Dövlət başçısı bu fikirləri avqustun 23-də Daşkənddə Özbəkistan Prezidenti Şavkat Mirziyoyevlə birgə mətbuata bəyanatı zamanı səsləndirib.
İlham Əliyev Azərbaycanın Mərkəzi Asiya ölkələri ilə əməkdaşlıq formatına qoşulmasında Özbəkistan Prezidentinin xüsusi rolunu qeyd edib.
“Əməkdaşlığın coğrafiyası genişlənib. Mərkəzi Asiya və Azərbaycan bu gün böyük potensiala, gələcəkdə isə daha böyük inkişaf imkanlarına malik vahid geosiyasi və iqtisadi regiondur”, – Prezident bildirib.
Əliyevin sözlərinə görə, Azərbaycan və Özbəkistan arasında sıx əməkdaşlıq təkcə ikitərəfli münasibətlər baxımından deyil, bütövlükdə formalaşmaqda olan regionun inkişafı üçün əhəmiyyət daşıyır.
Azərbaycanın Mərkəzi Asiya ilə siyasi və iqtisadi inteqrasiyası son dövrdə daha da genişlənib. 2025-ci ilin noyabrında Azərbaycan Mərkəzi Asiya dövlət başçılarının Məşvərət Görüşləri formatına tamhüquqlu iştirakçı kimi qəbul edilib.
Bakı və Daşkənd arasında münasibətlər də son illərdə strateji tərəfdaşlıqdan daha sıx müttəfiqlik və iqtisadi əməkdaşlıq mərhələsinə keçib. Prezidentlərin hazırkı görüşünün yekununda Azərbaycan–Özbəkistan Ali Dövlətlərarası Şurasının III iclasının qərarı da imzalanıb.
