USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
RSF: Dünyada 500-dən çox jurnalist həbsdədir – yeni hesabat açıqlanıb
“Sərhədsiz Reportyorlar” (RSF) beynəlxalq mətbuat azadlığı təşkilatı 1 dekabr 2023–1 dekabr 2024 tarixlərini əhatə edən illik hesabatını yayıb. Hesabat dünyada jurnalistlərə qarşı artan təzyiq, zorakılıq və həbslərin miqyasını ortaya qoyur.
RSF-in məlumatına görə, son bir ildə 67 jurnalist öldürülüb. Onların 53-ü müharibələr və kriminal qrupların fəaliyyətləri nəticəsində həlak olub. Öldürülən jurnalistlərin 43 faizi Qəzza zolağında İsrailin hərbi əməliyyatları zamanı həyatını itirib. Ukraynada isə Rusiyanın işğal müharibəsini işıqlandıran 3 jurnalist öldürülüb.
Hesabat dünyada jurnalistlərin həbsi ilə bağlı dəhşətli statistika da təqdim edir. Hazırda 503 jurnalist həbsdədir. Siyahıya 121 jurnalistin həbsdə olduğu Çin başçılıq edir. Rusiya 48, Myanma isə 47 həbsdə olan jurnalistlərlə növbəti sıralarda qərarlaşıb.
RSF-in məlumatına əsasən, Azərbaycanda 25 jurnalist həbsdədir. Region ölkələri ilə müqayisədə bu rəqəm yüksəkdir. İranda 21, Türkiyədə 3, Gürcüstanda isə 1 jurnalist həbsdə saxlanılır.
Təşkilat bildirir ki, Rusiya, Gürcüstan, Azərbaycan və Belarusdakı vəziyyət keçmiş Sovet məkanında mətbuat azadlığına qarşı ən ciddi təhdidləri əks etdirir.
