Adil Vəliyev Sabunçu rayonuna rəhbər təyin olunduğu ilk vaxtlarda Bakıxanov qəsəbəsində kosmetik işlər görməklə missiyasını başa çatmış saydı.
O gündən bəri rayonun hər hansı ərazisində abadlıq, yenidənqurma işlərinə rast gəlinmir. İstər Sabunçu rayonuna daxil olan Bakının bəzi kəndləri olsun, istər Bakıxanov qəsəbəsi, istərsə də Sabunçu vağzalının ətrafındakı vəziyyət.
A.Vəliyev onu tənqid edən media qurumlarını təhdid etmək, məhkəməyə verməklə hədələyərək mətbuatla mübarizəyə başladı. Halbuki, icra başçısı rayonda aşıb-daşan problemlərin həlli ilə məşğul olmalıydı. Rayon üçün böyük işlər gördüyünə özünü inandıran icra hakimi əslində heç biznesini də gizlədə bilmədi.
Ayda 1000 manat maaş alan icra başçısının qəfildən KİV-lərdə bahalı maşın kolleksiyası üzə çıxanda susdu. Xeyli vəsait hesabına şəkilləri, videoları saytlardan sildirə bildi. Sildirməyə bilməzdi.
Çünki, icra başçısının maşın kolleksiyasında qiyməti nə az, nə çox 150-300 min manatdan başlayan "Ferrari”, "Porshe” kimi bahalı avtomobillər vardı.

Məlum oldu ki, A.Vəliyevin "Porsche” avtomobil salonu var. "Sarı gəlin” restoranı və digər ticarət obyektlərinin olması da ictimaiyyətə sirr deyil. Yəni icra başçısı bizneslə məşğuldur.
Rayonun əhalisinin problemləri, onları narahat edən qayğılarla maraqlanmaq əvəzinə, sahibi olduğu «Euro style» LTD şirkətinin gəlirlərinin artırılması istiqamətində fəaliyyətini davam etdirib. Üstəlik torpaq alveri.
Sabunçu rayonunda qanuni yolla torpaq alıb ev tikdirmək istəyən vətəndaşların haqsızlıqlar, bürokratik əngəllərlə üzləşir.
Əksinə pulunu verənlər üçün açıq bazardır, hasarla tik. Saytımızın ünvanına göndərilən video elə bu günlərdə çəkilib.
Anaşkin küçəsində şıdırğı torpaq alverini əks etdirir.
Əminik ki, Adil Vəliyevin valyuta ehtiyyatları həbs edilən Vilyam Hacıyevinkindən on qat çoxdur. Mövzuya qayıdacağıq. //sabahnews.az//