Son zamanlar Azərbaycanda korrupsiyaya bulaşan xeyli sayda iri ranqlı məmurlar vəzifədən azad edilir, həbs olunurlar. Xüsusilə də əməllərinə görə ictimaiyyət arasında “kiçik padşahlar” adlandırılan icra başçılarına qarşı dövlət tərəfindən sərt addımlar atılır. Korrupsiyaya bulaşaraq xalqın cibinə, dövlətin büdcəsini talayan icra başçılarının aqibətini hər kəs görür. Hesab edilir ki, atılan bu cür addımlar Azərbaycan dövlətinin inkişafına, yüksəlişinə gətirib çıxaran hallardır. Və dövlətlə vətəndaşlar arasında uçurum yaradan və cəzalanan harın məmurların qohumlarından başqa bütün ölkə ictimaiyyəti bu sərt təbriləri təqdir edir.Eyni zamanda insanlar artıq məmurlarla bağlı narazılıqlarını ictimailəşdirməkdən çəkinmirlər. Elə bu addımları ilə dövlətə və onun rəhbərinə öz dəstəklərini nümayiş etdirmiş olurlar.Kəlbəcər rayon sakini Atayev Zabil Mansır oğlu Kanal32.az saytı vasitəsi ilə Ölkə başçısı cənab İ.Əliyevə və Baş prokuror Kamran Əliyevə müraciət edib.

Şikayətçi bildirir ki, 27.05.2020-ci il tarixdə yay mövsümününün gəlişi ilə əlaqədar olaraq öz köçünü yaylağa apararkən Daşkəsən rayon icra hakimiyyətinin müavini Namiq Süleymanov rayonun giriş postunda onları saxlayıb.Zabil Atayev isə Daşkəsən rayon icra hakimiyyəti tərəfindən 04.05.2020-ci il tarixdə yaylaq ərazisində torpağın icarəyə verilməsi ilə bağlı müqaviləni ona təqdim edib.

Buna baxmayaraq bildirib ki, sözügedən yaylaq İcra başçısı tərəfindən Qaraşov Nofəl Bahadur oğluna məlum qiymətə satılıb.Bu yuxarının göstərişidir. Sizi buraxa bilmərəm. Hətta, icra başçının müavini onları saatlarla gözlətməli olub. Köç maşınında 7 azyaşı uşaq olmaqla 14 nəfər səhər saat 6:00-dan saat 16:00-a kimi ac – yalavac qızmar günəşin altında saxlanılıb. Məcburi köçkünlər olmazın əziyyətini yaşayıblar.Hələ bu azmış kimi şikayətçinin azyaşlı nəvəsi Atayev Yusif Nurlan oğlunu avtomobil vuraraq ona ağır bədən xəsarəti yetirib.Hazırda baş verən yol qəzası ilə bağlı Daşkəsən rayon Polis şöbəsində cinayət işi qaldırılaraq istintaq aparılır.
Məmur özbaşınalığı ilə üzləşən şikayətçinin sözlərinə törədilən yol-nəqliyyat hadisəsinin bir başa baiskarı icra başçısının “yaylaq biznes”inə baxan müavini Namiq Sülüeymanovdur.Atayev Zabil Mansır oğlu sual edir ki, hansı qanunvericilikdə yazılıb ki, icra başçısnın müavini köç maşınlarını saatlarla saxladıb onlara olmazın işgəncəsini versin? Axı bu cür hallar Daşkəsəndə baş verən ilk hal deyil.Bu rayonda özündənrazı icra başçısının “mükəmməl idarəetmə”si sayəsində məmur özbaşınalığı ən pik həddə çatıb.Çox hörmətli cənab Prezident,Sizcə digər rayonlarda olduğu kimi Daşkəsənə də “dur” demənin vaxtı deyilmi?

Sonda Kəlbəcərli məcburi köçkün mətubat vasitəsi ilə çox hörmətli Baş prokurordan Daşkəsən rayon İcra Hakimiyyəti başçısının müavini Namiq Süleymanovun baş verən hadisə ilə bağlı qanunsuz hərəkətlərinin araşdırılmasına göstəriş verməsini xahiş edir