USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Rusiya Ukraynanı dayanmadan bombalayır
Ukrayna Silahlı Qüvvələrinin Baş Qərargahı cəbhədəki son vəziyyət barədə məlumat verib.
Ötən gün ərzində Ukrayna ərazisinə raket hücumlarının artdığı, xüsusən də mülki infrastrukturun hədəf alındığı qeyd olunub.
Baş Qərargahın məlumatına görə, son sutka ərzində Rusiya Silahlı Qüvvələri Ukrayna ərazilərinə 9 raket zərbəsi və 23 aviazərbə endirib, həmçinin, reaktiv yaylım atəşi sistemlərindən istifadə edərək 80-dən çox atəş açıb.
“Ukraynanın bütün ərazilərində mülki obyektlərə qarşı aviasiya və raket zərbələrinin endirilməsi təhdidi xeyli artıb. Rusiya ordusunun əsas hissəsi Baxmut və Avdeyevka istiqamətlərində hücuma yönəldilib”,– deyə məlumatda bildirilib.
Qeyd edilib ki, Rusiya Krım ərazisində gizli səfərbərliyə başlayıb.
“Xüsusən, Sevastopolda informasiya texnologiyaları mütəxəssisləri, maliyyə sahəsində çalışan işçilər və digər səfərbərlikdən azad edilənlər kateqoriyasına daxil olan insanlar hərbi komissarlıqlara çağırılıblar”, – Baş Qərargahın məlumatında dərc olunub.
