USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İran “İslamabad Memorandumu”nun sabah imzalanacağını təkzib edib
İran ABŞ ilə “İslamabad Memorandumu” adlandırılan sənədin sabah imzalanacağı barədə məlumatları təkzib edib.
İran Xarici İşlər Nazirliyinin sözçüsü İsmayıl Bəqayi bildirib ki, sənədin imzalanması üçün hələ dəqiq tarix müəyyənləşdirilməyib və onun sabah imzalanması nəzərdə tutulmur.
Onun sözlərinə görə, hazırda müzakirə olunan sənəd əsasən münaqişənin dayandırılmasına yönəlib. Bu mərhələdə İranın nüvə proqramı məsələsinin sənədə daxil edilməməsi barədə qərar verilib.
Diplomat yaxın günlərdə razılaşmanın imzalana biləcəyini istisna etməyib, lakin tərəflərin açıqlamalarında fərqliliklər olduğunu vurğulayaraq ehtiyatlı yanaşmağın vacibliyini qeyd edib.
Qeyd edək ki, Pakistanın Baş naziri Şahbaz Şərif daha əvvəl razılaşmanın yaxın 24 saat ərzində əldə oluna biləcəyini açıqlamışdı.
