“Dünya malına aludə olmaq lazım deyil. Dünya malı heç kimə xoşbəxtlik gətirməyib. Elə insan var ki, varını-dövlətini bağında basdırır. Rəhmətə gedəndə uşaqlar da pulsuz qalırlar. Deyirlər ki, aşığı oynamaq üçün yığarlar, pulu isə xərcləmək üçün... Qızıllarını bağda basdırmaqdansa, övladlarının arasında böl ki, öləndə sənə rəhmət oxusunlar, söyməsinlər”.

foto.info.az xəbər verir ki, bu sözləri məşhur qarmon ustadı, Əməkdar artist Gövhər Rzayeva ATV telekanalında yayımlanan “7 canlı” axşam şousunda qonaq olarkən deyib.

Proqramın aparıcısı Vüsalə Əlizadənin “Sənətə gəldiyiniz zamanlarda yolunuzu kəsənlər oldu?” sualına “O zamanlar sənətdə bu qədər musiqiçi yox idi. Mehribanlıq var idi” cavabını verən G.Rzayeva fikirlərini belə tamamlayıb:

“Musiqiçilər bir-birinin evinə gedirdilər. Lazım olanda borc da verirdilər. Güvən, əl tutmaq var idi. İnsanlar indi vəhşiləşib. Elə bilirlər ki, dünyanı tutub, gedəcəklər. Hamı bu çətin dönəmdə bir-birinə yardım etməlidir. Hamımız pul istəyirik. Pul alın təri ilə qazanılmalıdır. Aranızda kəsdiyiniz çörəyə hörmət edin! Öləndən sonra rəhmət qazanmalısan”.

Qeyd edək ki, G.Rzayevanın qızı Ülkər müğənni kimi fəaliyyət göstərir.