USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycanda məktəbəqədər təhsildə yeni maliyyələşmə modeli tətbiq ediləcək
Azərbaycanda məktəbəqədər təhsil sahəsində valideyn-dövlət-özəl əməkdaşlığına əsaslanan yeni maliyyələşmə modelinin tətbiqinə başlanılır.
Məlumata görə, bununla bağlı Prezident İlham Əliyev fərman imzalayıb.
Sənəd məktəbəqədər təhsil imkanlarının genişləndirilməsi, alternativ təhsil formalarının inkişaf etdirilməsi və bu sahədə əhatəliliyin artırılması məqsədi daşıyır.
Yeni modelə əsasən, məktəbəqədər təhsil müəssisələrinin maliyyələşdirilməsində valideyn, dövlət və özəl sektorun əməkdaşlığı nəzərdə tutulur.
Fərmana görə, bu istiqamətdə dövlət dəstəyi müvafiq illərin dövlət büdcəsində Elm və Təhsil Nazirliyi üçün nəzərdə tutulmuş məqsədli vəsaitlər hesabına maliyyələşdiriləcək.
Nazirlər Kabinetinə yeni maliyyələşmə modelinin tətbiqi qaydalarını üç ay müddətində hazırlamaq, təsdiqləmək və bu barədə dövlət başçısına məlumat vermək tapşırılıb.
Elm və Təhsil Nazirliyi isə hər maliyyə ili üzrə modelin tətbiqi üçün tələb olunan vəsaitin həcmini Maliyyə Nazirliyi ilə razılaşdıraraq müəyyən edəcək.
Yeni mexanizmin məktəbəqədər təhsilə çıxış imkanlarının artırılmasına və özəl sektorun bu sahədə iştirakının genişlənməsinə xidmət edəcəyi gözlənilir.
