Bakı şəhəri, Nəsimi rayonu, Ənvər Qasımzadə küçəsi 72, mənzil 101 ünvanında qeydiyyatda olan Quliyev Seymur İsrafil oğlu uzun illərdir keçmiş deputat, Qafqaz Müsəlmanları İdarəsinin sədri Allahşükür Paşazadənin qudası Qalib Salahzadə tərəfindən mülkiyyət hüququna qəsd olunduğunu deyir.

“AzPolitika.info”-ya müraciət edən S. Quliyev deyir ki, 2004-cü ildə Bilgəh qəsəbəsində qanuni yolla, alqı – satqı vasitəsi ilə mülk alıb, orada hər bir şəraiti olan iki ev tikib, bağ salıb.

“2011-ci sonlarında Dubayda olarkən 14-cü polis bölməsindən zəng elədilər ki, guya 3 nəfər silahlı adamla Salahzadə Rəhilənin (Hacı Qalibin qardaşının həyat yoldaşı) evinə basqın eləmişəm. Vəklimə zəng elədim. Vəkil araşdıranda məlum olub ki, Rəhilə Salahzadə məndən 14-cü polis bölməsinə şikayət edib. İddiada göstərilib ki, Rəhilə xanım guya 2002-ci ildə mənim aldığım ərazini bələdiyyədən 360 milyon manata (?) alıb və tikintiləri də o aprıb. Guya mən də ora basqın etmişəm”-deyə şikayətçi qeyd edib.

S. Quliyevin sözlərinə görə, şikayətçinin təqdim etdiyi ödəniş çekləri ekspertizadan keçirilib məlum olub ki, bu çek əslində 2005-ci ildə çap olunub. Amma 2002-ci ildə ona 360 milyon manat vəsaitin bələdiyyəyə ödənilməsi ilə bağlı qeyd yazılıb. Bu açıq-aşkar saxtakarlıq və qanunsuzluq idi.

Şikayətçi bildirir ki, 2012-ci ildə sözügedən iş bağlandığına görə 14-cü Polis Bölməsindən alınıb. Daha sonra şikayət əsasında Sabunçu rayon Polis İdarəsinə verilib. İdarədə də araşdırma aparılıb.

Bir neçə ay sonra polis idarəsində də iş bağladı. Bundan sonra Seymur Quliyev Respublika Prokurorluğuna gedib, Baş Prokurorun qəbulunda olub. Zakir Qaralovun göstərişi ilə Bakı Şəhər Baş Polis idarəsinə göndərilib və fakt üzrə cinayət işi açılması tövsiyyə olunub.

Şikayətçi qeyd edib ki, 2013-də cinayət işi açılıb. İstintaq gedə-gedə Bakı Şəhər İcra Hakimiyyəti (BŞİH) sərəncam verib ki, həmin ərazini 2.5 hektar torpağın içində olmaqla “Paşa Holdinq”-in törəmə şirkəti olan “İnşaatservis” MMC-yə verilib: “Mən “Paşa Holdinqin”-in hüquqşünası ilə görüşüb torpağın və mülklərin sənədlərini təqdim etdim. Bildirdilər ki, onların bu marədə məlumatı yoxdur, məhkəməyə verin. Mən də 2 saylı Baki İnzibati İqtisad Məhkəməsinə müraciət etdim. Məhkəməəmlak və torpaqla bağlı aidiyyatı qurumlara sorğu verilməsi barədə qərar verdi. Cavab gəldi ki, həmin ərazidə mənim və Nurid Əliyevə məxusu əmlak yerləşir. Bundan sonra məhkəmə qət etdi ki, BŞİH-nin sərəncamı həmin tikiliyə qədər olan hissədə ləğv olunsun. Nəticədə 50 sota yaxın ərazi sözügüdən sərəncamdan çıxarıldı. Qarşı tərəf hər hansı şikayət vermədi və məhkəmənin qərarı qüvvəyə mindi”.

S. Quliyev deyir ki, 3 aydan sonra onları Salhzadə Xatirə Allahşükür qızı məhkəməyə verib: “Məhkəmədə məlum oldu ki, əlimizdə qanuni “Çıxarış” ola-ola Dövlət Reyester Xidmətindən “İnşaatservis” şirkətinə “Çıxarış” verilib və adıçəkilən qurum guya həmin ərazini Xatirə Salahzadəyə satıb. Bu mənzərədən şoka düşdük: Bizim əlimzdə torpağın, mülkün “Çılxarış”ı ola-ola Reyestr Xidməti “İnşaatservis”ə neçə “Çıxarış” verə bilər?

Biz bu sərəncamdan da şikayət etdik Apellyasiya və Ali Məhkəməni udduq. Bakı Şəhər icra Hakimiyyəti Xatirə Salahzadə ilə birgə qərardan Konstitusiya Məhkəməsinə şikayət etdilər. Amma Konstitusiya Məhkəməsi Ali Məhkəmənin qərarını qüvvədə saxladı. Beləliklə saxta “Çıxarış” ləğv olundu”.

Seymur Quliyev deyir ki, məhkəmələrdə qalib gəlməsinə baxmayaraq, 2012-ci ildən başlayaraq Qalib Salahzadənin adamları tərəfindən əmlakı sındırıb dağıdılıb. Məhkəmələrin gedişində onu öz mülkünə buraxmayıblar.

“Hacı Qalib deyirdi ki, yaxşı edirəm, əlimdə Reyesterdən “Çıxarış” var. 2016-ci ilə məhkəmələr bitdi. Amma Qalib Salahzadə mənim evlərimiz yerlə yeksan edib həmin ərazini də pullu dayanacağa çevirib. Ərazidəki mühafizə polisi də onun qanunsuz tələblərini yerinə yetirir”-deyə şikayətçi qeyd edib.

S. Quliyev üzləşdiyi qanunsuzluqlarla bağlı 2018-ci ildə Baş prokuror Zakir Qaralova yendən müraciət edib. Bundan sonra Daxili İşlər Nazirliyinin Baş İstintaq İdarəsində cinayət işi açılıb. Burada bir il istintaq araşdırılması aparıldı.

Qalib Salahzadə ilə üzləşdik, əraziyə baxış keçirildi. Bundan sonra istintaq bir il – 2019-cu ilin martından 2020-ci ilin martına qədər dayandırılıb.

“2020-ci ildə mart ayında Baş prokurorun muraciəti əsasında Daxili İşlər Nazirliyi istintaqı təzələdi, məni zərərçəkən kimi tandılar, dedilər, iş məhkəməyə göndəriləcək. Amma bu günə qədər 4 ay keçsə də iş məhkəməyə göndərilməyib, nə də Qalib Salahzadə zərər vuran şəxs kimi tanınmır”-deyə S. Quliyev bildirib.

“AzPolitika.info” saytı vasitəsi ilə Prezident İlham Əliyevə, Baş prokuror Kamran Əliyevə, Daxili işlər naziri Vilayət Eyvazova müraciət edən Seymur Quliyev üzləşdiyi qanunsuzluq və özbaşınalığın aradan qaldırılmasını, pozulmuş hüquqlarının bərpa olunmasını xahiş edir.

O müraciətində qeyd edib ki, Azərbaycanda məhkəmə-hüquq sahəsində başladılan islahatlar, hüquq-mühafizə, məhkəmə orqanlarında aparılan kadr dəyişiklikləri onun kimi məmur özbaşınalığının qurbanı olan vətəndaşlarda ümidlər yaradıb: “Qalib Salahzadə kimi dövləti, qanunu, məhkəməni saymayan, hər fürsətdə onları ayaq altına salan şəxslər hüququn bütün gücü ilə cəzalandırılmalıdır. Biz hüqüqi dövlətdə yaşayırıq, burada ayrı-ayrı qudurğan məmurların hökmranlılğı yox, dövlətin ali iradəsi öz sözünü deməlidir. Mən ümid edirəm ki, uzun illərdən sonra pozulmuş hüquqlarım da bu iradə sayəsində bəra olunacaq”.