Bakı 28°C
USD - 1.7000
EUR - 2.0141
RUB - 0.0226

Gültəkin Hacıbəylinin oğlunun ölkədən çıxışına icazə verildi

Gültəkin Hacıbəylinin oğlunun ölkədən çıxışına icazə verildi
Dünən Bakı Apelyasiya Məhkəməsində Almaniyada Universitetə daxil olmuş oğlumun ölkədən çıxışına icazə verilməsilə bağlı şikayətimə baxdılar. Nə mənim, nə oğlumun əsla gözləmədiyimiz halda şikayətim təmin edildi.

Bu sözləri Gültəkin xanım Hacıbəyli öz Fb səhifəsində paylaşıb

Dostların çoxu "uşaq artıq universitet tələbəsidir, onu təhsil almağa buraxmamaq hətta Azərbaycan hakimiyyəti üçün də bir mürtəce ilk olar, bunu edə bilməzlər" desə də, etiraf edim ki, gözləmirdim, çünki mənimlə bağlı çox "ilklərə" imza atıb YAP hakimiyyəti. Üzümə məhkəmələrdə insan alverçilərini qoyublar, heç bir sənəd-sübut, əsas olmadan belimə 85 min manat "borc" yükləyiblər, məhkəmə qərarı olmadan maşınımı əlimdən alıblar, evimə həbs qoyublar, ən iyrənc mənəvi terrora məruz qalmışam və s.

Amma yaxşı oldu ki, heç olmasa uşaqla bağlı ziyanın yarısından qayıtdılar, bizi illərlə məhkəmələrdə süründürəndən, uşağın bir çox arzularını gözündə qoyandan sonra olsa da (bununla bağlı şikayətimiz Avropa Məhkəməsindədir) oğlumun Avropada təhsil almasına imkan verdilər.

Məhkəmələrdə mənim üzümə durmaqla qovulduğu prokurorluğa bərpa olunan, bu yaxınlarda isə yeni vəzifə alan hakimiyyət maşası həmişə olduğu kimi yenə də məhkəməyə gəlməmişdi. Düzdür hələ onun kassasiya şikayəti vermək hüququ var, amma ona "get, şikayət ver" deyilməsə, qorxusundan bunu edəsi deyil.
Üzləşdiyim təzyiqlərlə bağlı durumu işıqlandıran bütün mətbuat orqanlarına, mənə və oğluma dəstək verən hər kəsə təşəkkürümü bildirirəm.

BÖLMƏNİN DİGƏR XƏBƏRLƏRİ