Abdullah ibn əl-Mubarək – rahiməhullah – demişdir: “Biz müsəlmanların elm öyrənməkdən daha çox ədəb-əxlaq öyrənməyə ehtiyacımız var” (“Mədaric əs-Salikin”, 2/376).

Malik ibn Ənəs – rahiməhullah – qureyşli bir gəncə belə demişdir: “Qardaş oğlu, elm öyrənməzdən əvvəl ədəbli olmağı öyrən” (“Hilyə əl-Övliya”, 6/330).

İbn əl-Qeyyim – rahiməhullah – demişdir: “Adamın ədəbli olması onun xoşbəxt olmasına və uğur qazanmasına, ədəbsiz olması isə onun bədbəxt və həlak olmasına səbəbdir” (“Mədaric əs-Salikin”, 2/407).

İbn Quteybə – rahiməhullah – demişdir: “Ədəb-əxlaqın yoxdursa, sus!” (“Uyun əl-Əxbar”, 1/192).

İbn Şihab əz-Zuhri – rahiməhullah – demişdir: “Biz elm öyrənməyə başladıqda, əvvəlcə ədəbli olmağı öyrənmişik” (əz-Zəhəbi, “Tarix əl-İslam”, 8/240).

Malik ibn Ənəs – rahiməhullah – demişdir: “Anam mənə belə tövsiyə etmişdir: “Get, Rəbiənin yanına! Ondan elm öyrənməzdən əvvəl, ədəb-əxlaqını öyrən!” (“Tərtib əl-Mədarik və Təqrib əl-Məsalik, 1/130).

Abdullah ibn əl-Mubarək – rahiməhullah – demişdir: “Mən üç il ədəb-əxlaq, ardından da iyirmi il elm öyrənmişəm.” (Ğaya ən-Nihayə fi Təbəqat əl-Qurra, 1/198).

Tərcümə və tərtib:Əlixan Musayev
07.06.2025


BURHAN.AZ

.

İNSTAGRAM

.

Youtube

.

TikTok