USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Prezident İlham Əliyev Qətər Əmirinə başsağlığı verib
Azərbaycan Prezidenti İlham Əliyev Qətər Dövlətinin Əmiri Şeyx Təmim bin Həməd Al Taniyə başsağlığı məktubu ünvanlayıb.
Prezident məktubunda Ata Əmir Şeyx Həməd bin Xəlifə Al Taninin vəfatından dərin kədər hissi keçirdiyini bildirib. Qeyd olunub ki, Şeyx Həməd bin Xəlifə Al Tani Qətərin tarixində mühüm iz qoymuş dövlət xadimi olub, ölkəsinin inkişafı və rifahı naminə böyük xidmətlər göstərib.
Məktubda vurğulanıb ki, Azərbaycan ilə Qətər arasında dostluq və əməkdaşlıq münasibətlərinin formalaşması və inkişafında Ata Əmirin mühüm rolu olub. İlham Əliyev onun Azərbaycana səfərlərini və keçirdikləri görüşləri xoş təəssüratlarla xatırladığını ifadə edib.
Dövlət başçısı başsağlığında Şeyx Təmim bin Həməd Al Taniyə, ailəsinə və Qətər xalqına dərin hüznlə başsağlığı verərək, mərhumun xatirəsinin daim ehtiramla yad ediləcəyini bildirib. Məktub "Allah rəhmət eləsin!" sözləri ilə yekunlaşıb.
