USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Həbsdə olan Bəhruz Səmədov saxlanma şəraitindən narazıdır
Həbsdə olan sülh fəalı və akademik tədqiqatçı Bəhruz Səmədov saxlanma şəraitindən narazı olduğunu və informasiyaya çıxışının məhdudlaşdırıldığını bildirib.
Bu barədə o, ictimai fəal Əmrah Təhməzov vasitəsilə yaydığı müraciətdə məlumat verib. Səmədov qeyd edib ki, bir otaqda saxlanılır, gün ərzində cəmi iki saat kiçik balkona çıxmasına icazə verilir, otağından televiziya və radio götürülüb, həkimlərin yazdığı bəzi dərmanlar isə ona verilmir.
O, həmçinin özünə məxsus bank hesabından pul götürməsi üçün nənəsinə etibarnamə verə bilmədiyini bildirib. Onun sözlərinə görə, şəxsiyyət vəsiqəsinin itməsi bəhanə gətirilərək yeni vəsiqə və etibarnamə üçün əlavə rüsumlar tələb olunur və bu səbəbdən ailəsi hesabdakı vəsaitdən istifadə edə bilmir.
Bəhruz Səmədovun iddiaları ilə bağlı aidiyyəti qurumlar hələlik açıqlama verməyib.
Qeyd edək ki, Çexiyanın Karlov Universitetinin doktorantı olan Bəhruz Səmədov 2024-cü il avqustun 21-də Dövlət Təhlükəsizliyi Xidmətinin əməkdaşları tərəfindən həbs olunub. O, 2025-ci il iyunun 23-də Bakı Ağır Cinayətlər Məhkəməsinin hökmü ilə 15 il müddətinə azadlıqdan məhrum edilib və dövlətə xəyanətdə ittiham olunur. Səmədov ittihamları qəbul etmədiyini və sülh tərəfdarı olduğunu bildirib.
